هو ايه اللى بيخلينا نتعلق بمكان ونحب نروحه كتير ف حين ان المكان نفسه مفيهوش حاجه مميزة عن اى مكان زايه؟!!!
وف نفس الوقت بعدها ب فترة بيكون المكان ده اكتر مكان انت بتكره ف حياتك؟!!
طبعاً دى ممكن يكون ليها أكتر من سبب بس نتكلم عن واحد من اكتر الاسباب الشائعه ف الموضوع ده!!

اى مكان بتروحه بيكون ليه سبب مهما كان المكان حتى لو معندكش سبب لكدا ف ده ف حد ذاته سبب .. بس كل مكان لما بتروحه بيعلم معاك ب حاجه معينة .. بمعنى؟!! .. يعنى ف مكان معين حصل موقف ف كل م بتروح المكان ده بتفتكر الموقف ده .. مكان تاني بيعلم معاك بشخص معين وده بيكون أحلى من ان المكان بيعلم معاك بموقف او اتنين لانه ف الحالة دى بيكون المكان معلم معاك طول الوقت بالفترة اللى كنت فيها مع الشخص ده❤❤...
بس ممكن ييجى عليك وقت والشخص يبعد لأى سبب كان سواء شغل او سفر او مشاكل او اى حاجه ف وقتها حبك للمكان ده بيختلف .. بمعنى؟!! .. يعنى لو سبب البُعد ده هو بُعد المسافات أو ظروف الحياة عامة بتكون لسا متعلق بالمكان اللى نزلتوه سوا وبتروحه كتير لانه بيفكرك بيه .. لكن لو البُعد كان بسبب مشاكل حصلت بينكم ومبقاش عندك قابلية انك تشوف الشخص ده ف بالتالى مش هتحب تروح الاماكن اللى كنتوا بتروحوها سوا لان تلقائياً هتلاقى نفسك كاره المكان وأغلب الناس مش بتكون عارفه السبب وقتها بيكون ايه ؟! .. وقتها بيكون كرهك للشخص ده بيتحول لكره كل حاجه كنت بتعملها معاه سواء كلام عن حاجات معينة او اماكن معينة او اى حاجة عامة!!

اللى عايز اقوله ان أغلب الاماكن اللى بنتعلق بيها بيكون أكتر سبب تقريباً هو شخص معين ف حياتنا هو اللى بيخلينا نتعلق بيه ونحبه وبنحب وقت ضيقتنا نروح الاماكن دى لمجرد اننا نفتكر المواقف الحلوة اللى بينا علشان نخرج من المود اللى بنكون فيه وقتها وبيكون فيها راحة نفسية كبيرة جداً وقتها محدش هيحس بيها غيرك انت 💙