هو شرط إن الغيرة تكون بين الراجل وحبيبته أو زوجته وخلاص؟!!
ف البداية كدا نعرف ايه هو المفهوم الصح للغيرة بإختصار شديد؟!
الغيرة دى احساس بيجيلك لما تلاحظ إن علاقتك القوية بشخص معين ممكن تبقا مُهددة من طرف آخر
ونعرف برضو إن الغيرة ليها نوعين:-
- 👈 غيرة على حبيبك: دى معناها انك تحمى حبيبك وانك تغير عليه لما تلاقيه بيحكى ويتكلم مع غيرك ويشاركه بتفاصيل يومه العادى حتى.
- 👈 غيرة لحبيبك: دى معناها انك بتزعل وبتتعصب لما تلاقى حد بيغلط فيه قدامك أو قال عليه كلمة مش عجباك وبتعمل اى حاجه علشان صورته متقلش ابداً ف نظر الناس قبل نظرك انت.
الغيرة إحساس بالفطرة بيكون حلو جداً وبقا من الحاجات النادرة جداً دلوقتى خاصة فى الرجال .. فى ناس بتبص ليها إنها مش رجولة إنك تغير بس الفكر ده غلط أكيد، لأن الغيرة بتزود الهيبة للرجال ومن صفات كمال الرجولة .. وطبعاً فى الآناث بيغيروا وف أغلب الاوقات بتكون ظاهرة عند الآناث أكتر من الرجال .. الغيرة بتخلى المرأة تحس بأنوثتها وقيمتها ف نظر زوجها أو حبيبها.
عيوب شدة الغيرة أو بمعنى أصح المشاكل اللى بتحصل لما بنكون فاهمين الغيرة غلط
- 👈 الشك
- 👈 الشك
- 👈 الشك
اه هى هى نفس الكلمة وكلهم واحد بس الكلمة دى خطرها وحش جداً وبتهدد استقرار أى علاقة مهما كانت قوية وفى علاقات كتير بتبوظ بسبب الكلمة البسيطة دى
طيب نيجى للسؤال الرئيسى بتاعنا:-
هو شرط إن الغيرة تكون بين الراجل وحبيبته أو زوجته وخلاص؟!!
طبعاً لاء.!!
فى أكتر من طرف للغيرة زى:-
- 👈 الاب على ابنه أو بنته
- 👈 الاخ من أخوه
- 👈 الولد على صاحبه
- 👈 البنت على صاحبتها
اه فى أصدقاء بيغيروا على بعض عادى .. مش كله بيكون معاك علشان محتاج منك مصلحة معينة وخلاص يسيبك .. فى ناس حواليك حابين وجودك وفى ناس بيطمنوا وبيرتاحوا نفسياً أول م يشوفوك حواليهم وبيفرحوا لمجرد إنك معاهم .. انت لما يكون عندك الصديق اللى يغير عليك متحاولش تخسره لان مكانتك عنده كبيرة جداً وصلت لدرجة إنه يغير عليك .. محدش هيحبك أكتر من صاحبك ده .. الغيرة عمرها م كانت عيب مهما كانت الاطراف ف الموضوع لأن مرحلة الغيرة مش بتيجى بالسهل او بخروجتين تلاتة مع اصحابك .. دى بتبقا راحة نفسية .. ومعنى ان حد يوصل لمرحلة إنه يغير على صاحبه يبقا بيحبه ..
الحب مش شرط يكون بين رجل وامرأة .. الحب ده هو انسجام وتناغم التواصل الفكرى بين شخصين ومش بيشترط إنه يكون بين جنسين مختلفين.
الصديق الذي يحبك بصدق، عاتبه إذا أخطأ، لكن لا تخسره فقد لا تعيد لك الحياة مثله.
0 تعليقات