ليه بتيجى ف وقت وبتحس بانجذاب لشخص معين ؟!!
مره واحده كدا بقا غيابه فارق معاك .. طب ليه !!
وبقيت بتغير عليه برضو ومش بتحب تشوفه بيتكلم مع غيرك..!
وتسأل نفسك ليه كل ده .. متعرفش ترد..!

طيب ف البداية كدا خلينا نقول إن التعلق أو الانجذاب بيكون للشخص اللى بيكون فيه صفات معينة زى مثلاً :-
  • 👈 دماغه مُنسجمة مع دماغك
  • 👈 بيدعمك ف اى حاجه بتعملها حتى لو صغيرة 
  • 👈 طبعاً كلنا عندنا عيوب .. بس مش كله هيتحملك بعيوبك .. لكن هو لا .. عيوبك بالنسباله عادى وبيتعامل معاها ولا كأنها عيوب أصلاً
  • 👈 بيكون سهل بالنسبالك تفهم مشاعره وده بيكون بسبب التواصل الفكرى اللى بينكم
  • 👈 بتحس براحة كبيرة جدا لما بيكون معاك أو بتتكلم معاه
  • 👈 بتركز ف تفاصيله الصغيرة جداً ممكن هو نفسه ميكونش واخد باله منها
  • 👈 بتلاقيه غير الناس اللى بتتعامل معاهم خالص .. شخص كدا بيكون ف نظرك فريد جداً.!
  • 👈 بتلاقيه هو الوحيد اللى اللى عمره م بيفكر ب سوء نية ف الحاجه اللى بتعملها .. بمعنى؟! .. ان لو انت قولت حاجه تحمل اكتر من معنى حلو و وحش ف نفس الوقت .. لا هو هيفكر ف المعنى الحلو بتاعها ومش هيسئ الظن فيك - والناس دى قليلة جدا دلوقتي - 
  • 👈 بتخاف تعمل اى حاجه بتزعله لان زعله غالى جدا عندك
الشخص ده بيكون بالنسبالك فعلاً اليوم من غيره ولا حاجه ولما بتكون انت مشغول أو هو مشغول بيكون واحشك جداً ..
ف الوقت ده بتكون مشاعرك مشاعر اعجاب مش حب .. بس اعجاب لدرجة الحب .. بمعنى؟! .. انت ف الوقت ده اه عندك مشاعر للطرف التانى .. ف انت لو لقيت انه معندهوش نفس المشاعر ليك ممكن تزهق أو تمل من كدا ومعنى انك زهقت أو مليت يبقا انت مش بتحب فعلاً ..

اللى عايز اقوله ان المرحلة دى بتكون من احلى المراحل اللى بتفتكرها لما العلاقة بتكمل على المدى البعيد .. بس وانت ف المرحلة دى اهم حاجه انك تتأكد من مشاعر الطرف التانى ناحيتك هل برضو عنده نفس الميول ليك ؟!! .. لازم تتأكد من كدا علشان متستنزفس مشاعرك على الفاضى .. المشاعر زى البطارية بالظبط ليها وقت وبتخلص لما بتكون مع الشخص الغلط .. بس مع الشخص الصح بتتجدد كل لحظه هو فيها معاك 

لا مال ولا حسب ولا نسب بيقعدوا .. اختاروا السند والرفيق .. اختاروا اللى ينفع يكون صاحب قبل م يكون زوج .. اختار اللى يفهمك!!!