الخوف من الموت أمر طبيعى ولا وسواس ومرض نفسي؟؟

ف الاول خلينا مُتفقين ان الخوف طبيعة وغريزة جوانا كلنا .. والخوف مش عيب ولا حرام ولا حاجه غير طبيعية اطلاقاً .. الخوف أمر طبيعي بس كل واحد مننا عنده حاجه بيخاف منها سواء كانت حاجه كبيرة ولا صغيرة ..
العيب ف انك تدعى عدم الخوف من أى شئ ف حياتك .. دى مش شجاعة ولا جرأة دى ما هى إلا بجاحه .. وطبعاً فى فرق كبير بين الشخص اللى بيدعى عدم الخوف من أى حاجه وبين الشخص اللى بيدارى الحاجه اللى بيخاف منها .. لان فى ناس مش بتحب تكشف نقطة ضعفها للى قدامها ودى صح جداً .. لان أعراض الخوف ده بتكون شديدة جداً بالنسبة للشخص اللى عنده خوف من حاجه معينة وطبعاً دى بتختلف تبعاً للعوامل النفسية والبيئية وهكذا...

الخوف ليه أنواع كتير جداً واتكلمنا قبل كدا عن الخوف الاجتماعى وهسيبلكم لينك ال blog ف الاخر
وانهارده هنتكلم عن الخوف من الموت

طيب ايه هى اسباب الخوف من الموت:-

  • 👈 تتابع الصدمات: وده الاكثر شيوعاً مثلاً حصل معاك حادث موت وخرجت منها باعجوبة أو شوفت حد قبل كدا وهو بيموت قدامك أو خناقات كبيرة حصلت معاك مثلاً
  • 👈 العقيدة الدينية: ودى بتكون متمثلة ف التفكير ف الحياة الابدية بعد الموت والعذاب اللى ممكن يناله على ذنوب ارتكبها أو لسا هيرتكبها .. ف بيقضى حياته ف الخوف من العذاب وبس مش بيعمل حاجه تقربه من ربنا علشان رهبة و حدة الخوف تقل عنده...
طيب ايه هى أعراض الخوف ده:-

  • 👈 عدم انتظام ف ضربات القلب
  • 👈 التعرق باستمرار
  • 👈 ارتفاع درجة حرارة الجسم
  • 👈 الاحساس الفزع والخوف المتلازمين
  • 👈 العصبية الزيادة
  • 👈 الاحساس بالذنب
  • 👈 الابتعاد عن الوسط المحيط سواء العيلة أو الاصدقاء
علاج الخوف من الموت:-

  • 👈 الادوية: وطبعاً هتكون مُضادات اكتئاب .. ودى طبعاً تكون باستشارة طبيب مُتخصص
  • 👈 البحث عن الحلول: أكيد انت مش هيجيلك خوف من الموت من فراغ أكيد فى سبب ليه .. بس الفكرة ف انك تبحث عن حلول مُناسبة لمشاكلك
  • 👈 الرياضة واليوجا: الرياضة واليوجا بدورهم بينشطوا الدورة الدموية ف الجسم عندك .. وبالتالى تبدأ خلايا المخ تشتغل ف التفكير الايجابى
  • 👈 الكلام: ومن وجهة نظرى شايفه أفضل حل للمشكلة كلها .. شوف أقرب حد ليك واحكيله وفكروا سوا ف حل لو انت لوحدك مش قادر تطلع حل لنفسك
اللى انا عايز اقوله ان الخوف من الموت أمر طبيعي جداً وكداب اللى يقولك انه مش خايف من الموت .. الشعور بالذنب والخطيئة من المعاصى والخوف .. الموت ده مرحلة مجهولة لينا كلنا وهتفضل مرحلة مجهولة .. اه احنا عارفين المراحل اللى هنمر بيها بعد الموت وكمان فى ناس متعرفهاش للاسف بس احنا عارفينها كـ نص .. بس هل احنا عارفينها كـ إيمان؟؟؟؟ 
الخوف من الموت طبيعي جداً وكل حاجه بس لو بقا ف دماغنا كل يوم ليل نهار وبيخلينا مش قادرين نعمل اللى مطلوب مننا ف يومنا الطبيعى وقتها يكون مرض نفسي و وسواس
حياتنا كلها حلم واللى بيصحينا منه الموت

لينك blog الخوف الاجتماعى:
https://dailystatusmohanad404.blogspot.com/2020/03/fear.html