التوهان

هو التوهان مرتبط بالإكتئاب؟! والتوهان والهلوسة نفس المعنى ؟!!

طيب خلينا ف الاول نقول ايه هو التوهان:-

التوهان هو انك تكون قاعد ف مكان وسط اهلك او اصحابك عادى بس انت ف خيالك الافتراضى قاعد ف مكان تانى مع ناس تانية أو قاعد لوحدك .. ومرة واحدة اول م تفوق من العالم الافتراضى اللى كنت فيه تتفاجئ من المكان اللى انت فيه والناس اللى حواليك!! .. 

وبتسئل نفسك " أنا كنت فين؟!! " 

وتيجى تحاول تفتكر انت تايه فين ولا مع مين؟!! بس اغلب الاوقات مش بتفتكر 

ف أغلب اوقات التوهان لما بتيجي ترجع للواقع بتلاقى نفسك بقيت مبسوط أو زعلان .. وده بيكون بسبب العالم الافتراضى اللى انت كنت قاعد فيه .. بمعنى؟!! .. مثلاً انت كنت ف مود زعل ومخنوق ومرة واحدة انت سافرت بعقلك للعالم الافتراضى ده وبعد م رجعت تانى لاقيت نفسك بتبتسم ابتسامة فرح وسط حزن او تلاقى نفسيتك ارتاحت شويه والعكس صحيح طبعاً

طيب ايه سبب كدا؟!!

طبعاً هى ف الغالب بتكون بسبب الاضطرابات النفسية زى الاكتئاب .. أو بسبب اضطرابات الذاكرة نفسها وده بيكون نادر

طيب ايه هى الهلوسة:-

الهلوسة باختصار هى انك تشوف حاجات مش موجودة أوتسمع أصوات محدش سمعها غيرك أو تشم ريحه معينة كدا مع انها مش موجودة ف المحيط اللى حواليك أو انك تتخيل ان فى حد قدامك وبيكلمك وبتتفاعل معاه وتكلمه انت برضو!!!

سبب الهلوسة بيكون بسبب الاضطرابات النفسية برضو أو اضطرابات ف نشاط بعض خلايا المخ
والمنتشر دلوقتى الهلوسة البصرية وبعدها الهلوسة السمعية

طيب اللى عايز اقوله ان التوهان ف اغلب الاوقات بيكون مرتبط بالاكتئاب لانه بيظهر بسبب التغيرات النفسية الكتير وخاصة لو صعبة
والتوهان مش نفس معنى الهلوسة .. اه هما الى حداً ما مرتبطين ببعض واسبابهم الى حداً ما متشابهه .. بس ده مش معناه انهم واحد .. لان زى م أنت عرفت إن فى فرق كبير بين الاتنين

الله عز وجل خلقنا لهدف ولو مكنش ليك دور في الحياه مكنش خلقك الله وأوجدك .. علشان كدا استعين بالله وقرب منه هو من سيعيد " تصنيعك " ... استقوي بالله