الوحدة

الجملة دى انا شايفها غلط من وجهة نظرى
احنا فعلاً عايشين ف مجتمع بأكتر من وش وخاصة اللى مفروض انهم اصحابنا ويكونوا معانا ف كل حاجه.. اللى هو لما تيجى تقوله انا رايح ف داهية؛ يقولك استنى البس واروح معاك.. دلوقتى مبقاش فى الاصحاب اللى هما يخففوا عنك وف اغلب الاوقات بيكون الناس دى هما سبب تعبك ف حياتك.. لما تبقا شايف انهم مش بيتعاملوا معاك بطيب خاطر زى م انت بتتعامل معاهم.. وطبعاً فى تفاوت ف الدرجات بتختلف من شخص للتانى ومن صديق للتانى.. الاصحاب مش بالكترة ولا بالعدد.. الوحدة مش حاجه حلوة بس للاسف حلوة ف الزمن بتاعنا ده جداً .. دلوقتى لما يكون حواليك اصحاب بس fake  وانت اتزنقت وطبعاً محدش فيهم وقف جنبك هتتصدم وهتعتزل الكل وهيبقا العالم كله بالنسبالك ناس بتغدر.. لانك اتصدمت ف اقرب الناس ليك.. بس لما انت تبقا وحيد ومفيش اصحاب قريبين منك ده يبقا احسن ليك من ال fake friends.. بس وحدة عن وحدة تفرق.. بمعنى اتصاحب على ده وده وكون شبكة كبيرة من الاصحاب.. والمعروف ان صاحب الكل وحيد ..
- الحياة لوحدك صعبة!
= صعبة بس مريحة..