الشخص الاجتماعى اكتر واحد مبسوط ف حياته

الشخص الاجتماعي بيكون اكتر واحد مضغوط، عليه responsibilities كتير، عليه load كبير جداً ف اكتر من حاجه، اه حاجه حلوة جداً انك تكون اجتماعى وليك علاقات كويسة مع ناس كتير حواليك، بس مفيش حاجه كاملة، الكمال لله وحده، كل حاجه ليها عيوب وليها مميزات، انك تكون اجتماعى وليك علاقات مع كتير حواليك دى حلوة جداً وحاول بقدر الامكان اى مكان تروحه تكسب فيه علاقات كتير، بس من عيوب انك تكون اجتماعى مثلا بتلاقى كتير بيرجعلك في اغلب الحاجات علشان يسئلك عليها - ودى مش حاجه وحشة طبعاً- بتبقا وحشة لما كله يكلمك في نفس الوقت وانت بقا مطلوب منك تساعد الكل at the same time، وممكن من ال load اللى عليك تنسى كل اللى كلموك، فبالتالى هتلاقيهم تلقائياً بيزعلوا منك، ومش كله بيراعى انك مضغوط وانك فعلاً نسيت بسبب ال load اللى عليك، ف الحالة دى لو انت مش عايز تخسر حد هتلاقى نفسك بتيجى على حساب نفسك وعلى حساب راحة جسمك علشان تراضى الكل، وده على المدى البعيد ارهاق وتعب جامد عليك وغلط جداً، خليك اجتماعى بس استغلها صح، ولما حد يجيي يطلب منك تساعده ف حاجه انت قادر عليها متتأخرش، أفتكر انك ف يوم من الايام كنت مكانه ومحتاج اللى يساعدك، ومتبقاش انسان حقودى وتكره الخير للى حواليك؛
اللى هيحتاجك انهارده، انت هتحتاجه بكرا