مفيش صاحب جدع

الجملة دى مش صح وممكن نقول كمان عمرها م كانت صح، مش معنى انك اتصاحبت على حد وخزلك او مكنش جنبك وقت زنقتك يبقا مفيش حد جدع .. متحكمش على البشرية كلها بحاجه جربتها مع شخص واحد او فئة معينة مهما كانت كبيرة ف هى صغيرة وتكاد لا تُذكر مقارنة ب باقى البشر اللى حواليك، حبيبك الجدع ده هو اللى يجى يعينك على نفسك، لان زى م كلنا عارفين اكبر عدو ليك هو نفسك ف صحبك الجدع ده بقا اللى بتلاقيه واقف معاك دايما ف زعلك قبل فرحك، عيوبك بالنسباله حلوة زى مميزاتك بالظبط، يعنى مثلا لو انت عصبى ف هو هتلاقيه تلقائياً بيقولك طلع عصبيتك فيا، لو انت بتقفل بسرعة ومن اصغر حاجه هتلاقيه بيعمل اى حاجه علشان يفرحك ويخرجك من المود، فعلا صحبك الجدع ده كنز اوعى تفرط فيه تحت اى ظرف، ده اول واحد هتلاقيه وقت م تحتاج حد جنبك ومن غير م تطلب منه، انا مهما حاولت اتكلم عن الصاحب ده عمرى م هخلص كلام الحقيقة، لانه رزق من ربنا، انك يكون ليك صاحب وبتحكيله عن اكبر اسرارك وانت عارف انه عمره م هيفشى سرك لانه اقرب صديق ليك، الصاحب ده نعمه من ربنا تستاهل انك كل يوم الصبح اول م تصحى تحمد ربنا انك عندك الصاحب ده.