احنا اللى بنتغير ولا الزمن؟!!

يمكن الجملة دى ملاقيتهاش صح غير ف عينة قليلة جداً جداً جداً من الناس اللى حوالينا، لما تبعد فترة عن اللى حواليك سواء لاسباب نفسية او ضغط شغل او ضغط وقت وتيجى بعدها بفترة ترجعلهم تانى بتلاقى فى فجوة كبيرة بينك وبينهم وبتحس نفسك غريب حرفياً وانت وسطهم، ف حين انهم قبل كدا كانوا الناس اللى انت حاببهم وعايش معاهم من فترة!!، طب ايه اللى حصل؟!! انت اللى اتغيرت عليهم ولا هما اللى اتغيروا وبقوا مش مفهومين؟!، انت اللى بقيت محترم زيادة عن اللزوم ولا هما اللى ماشين مع التيار زى م بيقولوا اللى هو شايفين كله صايع بقوا زايهم هما بقوا كدا ولا انت اللى اتغيرت؟!!، ولما تيجى تشوف نفسك وتسئل نفسك انت اتغيرت ولا لاء هتقول لنفسك لاء انا متغيرتش، ولما تيجى تفتكر الناس دى هتلاقى انهم اتغيروا تغيير جذرى!!، وهما لو سئلوا نفسهم نفس السؤال هيقولوا انهم متغيروش وانك انت اللى اتغيرت عليهم، كل واحد من وجهة نظره شايف انه زى م هو متغيرش ويقول على غيره انه اتغير، بس ف الواقع اللى بيحصل ان الكل مع مرور الوقت بيتغير سواء نوع التغيير كان للاحسن او للاوحش، نوع التغير ده بيعتمد على شخصيتك انت، شخصيتك ضعيفه هتمشى مع التيار الحالى الموجود وهو انك تكون شبح والواد اللى مفيش منه اتنين، لو شخصيتك قويه هتتغير للاحسن، تخيل معايا انك ماشى ف طريق وجيت وانت ماشى لاقيت مفترق طرق ولازم تختار طريق من الاتنين والطريقين رايح بس مش رايح جاى.. هتلاقى طريق منهم سهل ويوصلك بسرعة بس طبعاً الطريق مش هيبقا سالك ببلاش.. الطريق ده كله قطاع طرق ولازم تدفع رشوة علشان تعدى حتى لو خمسة جنية، والطريق التانى هتلاقي الطريق كله مطبات وحفر كتير وهتأخر فيه بس مش هتدفع فلوس لان الطريق بايظ لوحده ومحدش بيفضل يمشى فيه، ف الموقف ده لو استصغرت الخمسة جنية كـ رشوة وهتقول ي عم عادى دى متجيبش حاجه اصلا اليومين دول اعرف انك اتغيرت للاسوء.. لما تستضغر الذنب اللى بتعمله هيكون عادى بالنسبالك لما تعمله مرة واتنين.. الرسول ص قال " الراشى والمرتشى فى النار "، الفكرة كلها معتمدة عليك انت هتاخد الطريق السهل وتكبر دماغك ولا تمشى ف الطريق الصح حتى لو صعب!؟!